WAR DEG DEG AH : Dowlada oo Saakay Muqdisho Ku Toogatay C/qaadir Cabdi oo ahaa Ninkii Ka Dambeeyay

Maxkamada Ciidamada Qalabka sida ee Somaaliya ayaa Maanta Magaalada muqdisho waxa ay ka fulisay xukun dil toogasho ah kaas oo ay ku fulisay nin ay ku eedeeysay in uu ka dambeeyay qaraxii ka dhacay Suuqa-Beerta ee degmda Waaberi.
Xukunka toogashada ah ayaa ka dhacay fagaaraha Xarunta Tababarka Ciidamada Booliska ee Gen Kaahiye waxaan lagu fuliyay Nin magaciisa lagu sheegay Cabduqaadir Cabdi Xasan oo lagu eedeeyay in uu ahaa Darawalkii waday Gaarigii ku qarxay Suuqa-Beerta ee degmada Waaberi Sanadkii la soo dhaafay ee 2016,ka kaas oo ay dad badani ku dhamaadeen.
Goobta uu xukunka ka dhacayay ayaa waxaa ku sugnaa dhamaan Saraakiisha Sar sare ee Maxkamada Ciidamada Qalabka sida ee Somaaliya.
Saraakiisha ayaa sheegay in ninkan xili hore la xakumay isla markaana uu sugayay in dilkaas lagu fuliyo maantana arintaas ay hirgashay.
Maxkamada ciidamada qalabka sida ayaa kordhisay waayadii danbe iney toogato dadka ay usoo qabato iney ka dambeeyeen falalka ay AlSHABAAB soo maleegaan ee qaraxyada iyo dilala ah


Akhriste Halkani Hoose Ku Qor Fikradada (0)